Posted on: August 16, 2015 Posted by: Niru Mathur Comments: 0

Pehla shabd jo bolna seekha….wo tu tha maa,

Pehli surat jo meine dekhi…wo teri thi maa,

Pehla haath jo mere sar par fera…wo tera tha maa,

Pehla niwala jisne mujhe diya….wo tu thi maa.

 

Hath pakadkar tune chalna sikhaya,

Ache bure ka fark samjhaya,

Sirf tameez aur tehzeeb hi nahi,

Sanskaro ka mehatwa bataya.

 

Udas hone par mujhe hasaya,

Aatmavishwaas khone par dhaandas bandhaya,

Saaye ki tarah saath kabhi,

To kabhi akele chalna bhi sikhaya.

 

Apna faisla khud lene ki aajadi di,

To apni seema me rehne ka mehtwa bataya,

Maa banker kabhi ghar- grahasti sikhayi,

To dost bankar insaaniyat sikhai.

 

Tujhse badkar koi dost nahi,

Tujhse achha koi insaan nahi,

Meri maa, meri sakha…

U mean everything to me.

About the author: Niru Mathur Blogger Professional Trainer
Tell us something about yourself.

Get involved!

Comments

No comments yet